Cad is foréigean baile ann?

Bíonn argóintí ag gach duine, agus ní haontaíonn gach duine lena bpáirtithe, lena dteaghlaigh nó le daoine eile a bhfuil dlúthchaidreamh acu leo ó am go céile.

Má thosaíonn sé seo a bheith ina phatrún comhsheasmhach agus má bhíonn eagla ort roimh do pháirtí, is é seo comhartha go bhfuil foréigean baile ag tarlú. D'fhéadfadh sé go mothófá nach bhfuil cumhacht ar bith agat ar do shaol agus go bhfuil do pháirtí i do rialú.

Tá liosta déanta againn de chuid de na comharthaí rabhaidh thíos le cuidiú leat ciall a bhaint as do chás. Tá ceann ar bith de na comharthaí seo tromchúiseach. Ní gá go bhfuil roinnt acu, nó iad ar fad ag tarlú duit d'fhonn a bheith i gcaidreamh mí-úsáideach.

  • Tá eagla ort roimh do pháirtí.
  • Tá eagla do chraicne ort i gcónaí de bharr a athruithe taighd.
  • Caitheann tú am ag iarraidh a dhéanamh amach cén cineál taighd atá air agus tá an fócas ar a chuid riachtanas i gcónaí.
  • Rugann an fearg bua air go furasta faoi rudaí beaga.
  • Bhuail sé tú nó dóbair nár bhuail sé tú agus/do pháistí.
  • Bhí do pháirtí i gcaidreamh mí-úsáide roimhe seo.
  • Cáineann sé do theaghlach agus do chairde agus/nó bíonn sé deacair duit buaileadh leo nó labhairt leo leat féin dá bharr.
  • Tugann sé ainmneacha ort agus bagraíonn sé tú féin agus/nó do pháistí.
  • Bíonn éad air agus cuireann sé i do leith go mbíonn tú ag suirí nó go mbíonn tú mór le fir eile.
  • Cáineann sé tú agus baineann sé an bonn de do mhuinín os comhair daoine eile - lena n-áirítear an chuma atá ort, a dóigh a ngléasann tú, agus/nó do chumais mar mháthair.
  • Ní mheasann sé go bhfuil do riachtanais tábhachtach nó ní thugann sé aird orthu, agus déanann sé na cinntí sa chaidreamh.
  • Bíonn sé deacair duit am a chaitheadh leat féin. Nuair a chaitheann tú am ar shiúl uaidh, bíonn sé ag iarraidh a fháil amach cá raibh tú agus cé raibh tú leis.
  • Rialaíonn sé do rochtain ar bhonnriachtanais amhail an carr, airgead an teaghlaigh, bia, an guthán agus an t-idirlíon.
  • Thug sé ort rud éigin nach raibh tú ag iarraidh a dhéanamh, a dhéanamh.
  • Thug sé ort gnéas a bheith agat leis nó le daoine eile. Thug sé ort páirt a ghlacadh i ngníomhaíochtaí gnéis nach raibh tú faoi do shuaimhneas leo.
  • Bhagair sé go ndéanfaí tú a dhíbirt de bharr do stádais inimirce
  • Tugann sé iarraidh gach gné de do shaol a rialú cosúil le cibé acu an n-oibríonn tú nó nach n-oibríonn tú; cé a mbuaileann tú leo agus cá huair; an méid airgid is féidir leat a chaitheamh; cad a chaitheann tú; cad a mbreathnaíonn nó a n-éisteann tú leis ar an raidió nó ar an teilifís.
  • Éilíonn sé a fháil amach cad iad na pasfhocail do do chuntais ríomhphoist agus do do leathanaigh líonraithe shóisialta.

Má cheapann tú i ndiaidh duit é seo a léamh, go bhfuil tú, nó go mb'fhéidir go bhfuil tú, i gcaidreamh mí-úsáideach léigh tuilleadh faoi foréigean baile agus fáigh amach an dóigh ar féidir leat fanacht sábháilte.